Ka West Jaiñtia District Sports Association (WJDSA) ynne da pynman ko ya ka Trial Camp wa chi sngi ha Wahiajer Multi-Sports Complex yow jied ya kiwa yalehke kiwa daw chimbynta ha ka State Athletics Championship 2026 kawa daw pynman ha Shillong.
Da emlang ha kani ka sngi wa u Working President ka Association, u EMH Passah, u Chairman ka Athletic Committee, u Dari Lamare, u Athletic Secretary, u K. Pasi wa ki dkhot ka Association.
U Athletic Secretary da e khublei u ya ka Association wa da e ko ya ka laad ya ki khon yong ka West Jaintia u ya chimbynta ki ha kani ka Trial deilang ka District Sports Officer ka District wa da pynbiang ki ya ki tiar ki tar wa emkaaam.
Da e khublei leh ya ka chnong Wahiajer wa da e ko ya ka madan yow pynman ya kani ka Trial kamjooh leh ya ki Club kiwa da pynbna wa daw em kani ka Trial.
Da pynsñiaw cha kiwa chimbynta wa katni ka Sports da man ko kam kawi na ki laad yoh kreh ha kani ka juk wei wa man ko leh kawa ye bha u pynjngai ya ki khon khynroo khyllood na ki kaam sih wei wanrah ko ya i chait i khiah.
Ha kani ka sngi kiwa chimbynta da em palat ki 100 ngut chynrang wa kynthai wei na kini da jied 25 ngut ki wow chimbynta katkam wa emkaam ha ka 100M, 200M, 400M, 800M, 1500M, 5000M, 10000M, Long Jump, High Jump, Shot Put, Discus Throw wa Javelin Throw.
Discussion about this post