Ka yung krehkaam u Deputy Commissioner ka East Jaiñtia Hills District da kwah ko wow pynche yei mih khubor wa phah da u Doctor mrad yow lai pait ya u Marshall Biam uwa pynman yei chah thngan.
Da pyntip wa ha ka 12 tarik uni u bnai, u Dr. F.E. Langstang, A.H. & Veterinary Officer, Khliehriat da lai u cha katai ka thaw chah thngan kam u Executive Magistrate katkam ka hukum wa da pynmih da u District Magistrate lyngba ka “Order No. EJHD/CON.3/L.O/VOL.I/2025/142 Dated 9th June, 2026”.
Chooh chooh neiliang u DMHO ka District da pynmih u ya ka Roster Duty yong ki Doctor (Medical & Health Officers) wow lai pait yei chait i khiah u Marshall Biam lyngba ka chithi “Letter No. DM&HO/EJHD/MISC-05/2025-26/3175 Dated Khliehriat the 5/6/2026”.
Kamtæ da ong wa i pynbaad wa phah da u Doctor mrad toh kawa bakla wei kawa thok. Chooh chooh neiliang yong u General Secretary ka JCOMSWA da kylli u na u Additional Deputy Commissioner yei wan u Dr. F.E. Langstang wei dadep pynche wa da phah ya u Dr. F.E. Langstang kam u Executive Magistrate ymtoh kam u Doctor heiwa u Medical & Health Officer daw wan u hadien wa pyndep u ya ka Training yong oo.
U DC da ban joor u wa u Dr. F.E. Langstang, A.H. & Veterinary Officer, Khliehriat da lai Duty u kam u Executive Magistrate wei man u ka uwi na ki Officer hapoh District wa da pynkupbor kam u Executive Magistrate da ka Law Department.
Discussion about this post