U SP ka East Khasi Hills, u Vivek Syiem da ong u wa i yap ka kynthai wa u chynrang heiwa yei metyap da chem ha u tylle pasi hapoh kawi ka yung ha Lumsohphoh, Shillong, da yoodur wa da pynkut hi ki yei mynsien hanla dang yang ya ka Post-Mortem Report yow chem yei daw wa yap ki.
U SP da ong u wa katkam ki sabut wa da chem kattæ, kini ki ar ngut da pynkut hi ki yei mynsien ki wei lada toh kamtæ daw takit won yow chem yei daw wa leh kamni.
Katkam wa ong u SP, hawa pait wa sylli ya ki metyap ym em chem kiwon kiwon ki dak wa takha lait nei dak ha rdang iwa jia manda em wa pasi.
Chooh chooh da khana u wa kini ki ar ngut toh kiwa da yalang chan la kattu katni por wei sah ki ha kani ka thaaiñ.
Kini kiwa yap toh ka Pronome Hajong (22 snem) kawa na Balat, South West Khasi Hills District wa u Semanto Hajong (21 snem) uwa na Ranikor, South West Khasi Hills District.
Discussion about this post