Shillong: Ka Indian National Congress ha Meghalaya da pynsñiaw ko wa i mih ka BJP wow yakhun ya kani ka Election MP ym ktah ko ya ka Party ha ka jylla, khamtam ha Shillong Seat neibhah kiwa kreh wa kiwa kyrchaan ka Party skem wow pynjop ya ki kyrtong wa ka Congress da sai ko.
Kam wow kdaw heini, i mih ka BJP wow yakhun ha ka Election na Shillong Seat ye ko wow ktah ya ka Party Congress neidaw wa daw piah ka Vote yong kiwi ki jaitbru ha kani ka Election.
Hawa yaklam wa kiwa pathai khubor hadien ka yalang ki MLA wa MP ka Congress ha ka jylla, uwa e ktien ka Congress, u Himalaya Muktan Shangpliang da ong u wa ka Vote Bank yong ka Party neh ko khlem khih.
Hawa pynbaad yeiwa klam u kyrtong ka BJP, u Sanbor Shullai wa heipor Election beiñ ki ya ka BJP katwa manda dep won da yakrehlang bait wei ini i kam u u Sanbor toh iwa khlem yurim.
Ha iwi i liang u Shangpliang da ong u wa lada ka Congress wan ko ha i bor daw pyndooh jait ko yei dooh na ka ri lyngba ka Nyuntam Aay Yojana (NYAY) kawa man ka scheme neibynta kiwa kamai khian kamwa da pynbna da u President ka All India Congress Committee, u Rahul Gandhi.
Discussion about this post