U Chaltbha Muksor uwa da wiar heipor wa lai luti cha Bengaluru heiwa da chem noh ya oo wa chah sumaar u ha Government Medical College and Hospital wa em ha Krishnagiri, Tamil Nadu wei ki pulit da pyntip won cha ki dkhot ka KSU Bengaluru Unit ha ka 8 tarik kiwa da wan thooh wei da kit noh ya oo cha Bengaluru.
Ka khubor wa dang yoh chooh chooh da ong wa u Chaltbha hawa mih u ha ka 2 tarik yow lai cha Bengaluru ymtoh samen tangwa da emlang u wa 11 ngut kiwi de kiwa lai dei thmu wow thooh kreh ha Bengaluru.
Tangwa manda poi ha Jolarpettai Junction Railway Station, Tamil Nadu ha ka 5 tarik, da hiar u na ka rel deiwa kwah wow liwan cha yung heiwa kini ki lok u da pyrchang ki wow pynsangeh oo.
Hadien wa hiar u na ka rel, da wiar luti u wei dapoi u cha Krishnagiri deiwa lai kjat kamwa 50 Km cheiliang Bengaluru heiwa da yachem u wa ki kattu katni ki khynroo ha kani ka chnong heiwa em ka ya leh muja wei da chah dat u leh ha ki na kjat deiwa pyemkaam da liang wa len ka wait wei katkam ka Medical Report ka Hospital da em i kheiñ (Fracture) wa malu mala ka kjat u.
Hadien wa chem ya oo da kiwa chong chnong, da pynkit ya oo cha Hospital heiwa da chem won oo hadien da ki pulit.
Discussion about this post