U Montri Rangbah ka Assam, u Himanta Biswa Sarma da pynsñiaw u yei pyrchah yei e sikai ya ki khynnah ha ki skur Madrassa deiwa ong wa emkaam wow e sikai daka juk wa katni yow yoh laad ki khynnah leh wow jied neibynta ka mynried yong ki, neibhah i e sikai niam toh iwa ye wow leh hapoh ki yung ki sem wei kiwon kiwon kiwa ye u khang ya kini ki Madrassa wei kiwa yaklam chaphang ka Uniform Civil Code toh ki lok ki Muslim ha India.
Ya ini, u Sarma da ong u ynnin ka sngi ha ka yalang ka yung pynmih khubor namo ka Media Summit yong ka Panchjanya waka Organiser kiwa emyatoh waka RSS.
Da ong u leh wa kiwa kwah wow psiah cha ki Madrassa kiwa man leh ki jiat skur niam Muslim toh u man ki kiwa da heh rta yow ye ki u chim de rai yong ki hi.
U Sarma da ong u wa ym em ki khynnah wa bien wow lai cha ki Madrassa lada em wa khana ya ki wa ym ye ki wow man Doctor lane Engineer deiwa lai puræ ha kini ki thaw wei deiwa phah lai puræ ha kini ki skur niam leh man ko pyrchah yei hok manbru namo ki Fundamental Rights.
“I ktien Madrassa ym toh tang u em i, wei lada em ini i ktien hei pyrkhat pyrdaiñ, ki khynnah ym ye ki wow man Doctor man Engineer.”
“Lada kylli phi ya u khynnah lada kwah u wow lai skur ha ki Madrassa, ym em wow bien neibhah man ko pyrchah yei hok manbru ki,” da ong u Sarma.
Da ong u leh ha Assam 36% ki Muslim toh kiwa da yabah ha ki le bynta kiwa man kam kiwa da em chwa hapoh ka ri, kiwi toh kiwa kylla Muslim wa ki Muslim wa wan na baar kiwa tip kam ki Miya Muslim.
