Ym em ngait u Conrad ya ka khubor wa daw psiah BJP ki MLA ka UDP

U Chief Minister ka jylla, u Conrad K. Sangma ynne da ong u wym pu em sñiaw u na kiwon kiwon ki bru wa tikna yeiwa mih khubor wa daw psiah ki MLA ka UDP cha ka BJP wei ki khubor kiwa da mih toh kiwa antaad donhi.

Hawa yaklam wa kiwa thoh khubor, u Conrad da ong u wa kani ka khubor wow psiah ki MLA ka UDP cha ka BJP toh kiwa da sdang nyngkong na ki Social Media, ki Message, ki Reel tangwa ym em iwon iwon iwa da yoo wei kiwa dapoi cha oo da kiwa tip tikna.

Ha kini ki sngi wa da lai da mih ki khubor wa ong wa ki 8 ngut ki MLA ka UDP daw psiah ki cha ka BJP deiwa booh kyndon nadooh wow pynkrehkaam ILP, u wai mooyong wa kiwi de deilang wow yoh ya ka chuki sorkar hapoh ka MDA-II.

Heiyatoh wa ka NPP, u Conrad da ong u wa ka Party man ko kawa skem wei waroh ki 33 ngut ki MLA ka NPP toh kiwa em deilang wei ym em iwon iwon i sñiaw yaphær wei yeini da pynche leh u Deputy CM, u Sniawbhalang Dhar ha kini ki sngi wa dep.

Related posts

Kyntait u SP ka East Jaiñtia Hills yeiwa mih khubor wa em 5 ngut kiwa yap nei pdung ka krem mooyong

October 30, 2026

Khut ka MPSS Training Centre ya kiwa kwah yoh Training man Security Guard neibynta ka 17th Batch

October 30, 2026