Slap pylliang ini i por yong me,
Hadien da dep thung ya u symbe.
Da ki tayaw ki bnai hiar mi kamni,
Teiñ teiñ e laad mi ya ka syiem sngi.
I Por Lyiur i por wa chitom tam,
Ha i lai i wan i khih i khan.
Wei jit wei jaw wa i sma i tung
Waroh ha i ni i por du kiwa khñium.
Sula waroh da phooh long-tit,
Na jngai u pait kam ki wa tngit.
Wa joor wa hiar u slap kamni,
Wym kyllep de sa ka satri.
Ka La-ær wa pynskit na wah na neiñ,
Sa u la’oh wa doom na poh i neiñ.
Ki mar wathung watep waroh da pat,
Khamtam u saru wa i jrong da jem ki mat.
Discussion about this post