I pynbna cha kiwa kwah u khih mooyong ha East Jaiñtia Hills

U Deputy Commissioner ka East Jaiñtia Hills District da pyntip paidbah u heiyatoh wa kitu kiwa kwah wow tih mooyong hapoh ka District deiwa bood ya ka Scientific Mining wa ye ki wow sdang da ki seiñ Co-operative.

Ini toh ya kitu kiwa khih mooyong kiwa khian bor wei da e laad ya ki wa wow yaleh hei pyrtuid ka Co-operative yong ki yow yoh Prospecting License wa ka Mining Lease deiwa bood ya waroh ki kyndon wa yatoh waka rymaw wa kiwi de katkam ka aiñ.

U DC da ong u wa ini man ko kam chibynta wow yarap u pynmih poisa wei wow e laad yow khih mooyong biang ya kitu kiwa jooh khih mooyong nachwa.