theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

I pynche na ka Dorbar Chnong Myntdu, Elaka Jowai

Advertisement ad1

Ka Dorbar Chnong Myntdu (Pynthor Neiñ) kawa man kawi na ki chnong kawa dang seiñ thymme hapoh ka Elaka Jowai yong ka West Jaiñtia Hills da pynche ko hajrong i pynmih khubor ka Dorbar Chnong Khliehtyrchi yei pynman dorbar seiñ chnong khlem da yohbor na ka.

I pynbaad yei pynman ya ka dorbar khlem yohbor na ka chnong Khliehtyrchi man ko iwa bakla wei i wym chong yurim, iwa phylla chooh chooh toh waroh chi kattu da boon ki kaam kiwa da yaleh u pynphet pynphar heiyatoh wa ki kaam yong ka imlang sahlang ha kani ka thaw lai bait lai ryntih i khlem em iwon iwon i wit i thut namo khlem em iwon iwon i dawa wow paan bor nawi weiwa ka chnong Khliehtyrchi ym jooh embynta hi ko heini la ha kiwon kiwon ki kaam.

Yei yaleh ka chnong Khliehtyrchi wow takit, neiliang ka chnong Myntdu ym sñiaw emkaam ko wow tuklar, tangwa pynche heh ko wa i seiñ ya kani ka chnong toh nei mon yong kiwa boon walang kiwa chnong wa sah ha kini ki thaw kamjooh kiwa em thaw em bhaw, ym em u chem li pynbor ya kiwon kiwon ki wym em u kwah u embynta wa ki. Weiwa ki bru katni da che da tip da stat ki, kamtæ ymtoh de i por wa daw duk dei pynbiej næ u leh deibor. Ki bru sñiawthooh ki jar jiar i pyrkhat pyrdaiñ neibynta wow suk kiwa hadien habood hapoh ka imlang sahlang.

Heiyatoh wa u pood u ang yong kani ka chnong Myntdu, da pynbait katkam ki bynta watoh u em, heiwa em ki bynta yong u pood ya takhooh ki wa kiwi tawon ki chnong, em won ki bynta kiwa haap u yatakhooh wa ki liar ki chka, ha kam kini ki bynta wa yatakhooh wa ki liar tæ kammon hi u mih pyrtuid da ka chnong, ka liar tæ ka liar hi, ki chnong tæ ki chnong hi. Ka chnong Myntdu booh ko ya ki pood katkam watoh u em.

Khaddooh na ka chnong Myntdu pyndep ko ya kiwon kiwon ki kaam deiwa bood ya ki kyndon yong ka aiñ kamjooh ki kyndon ka Elaka, kamtæ e ko i chaniah ha ki ki khlieh synchaar yong ka Jaiñtia Hills Autonomous District Council, wa ka Elaka yow pyndep hok katkam i emkaam kamwa kiwa chong chnong heini em ki ya i yatylli neibynta i roi i paar hapoh ka chnong ka thaw liang wanang.

Puræ leh: Kyntait ka Khliehtyrchi yei seiñ ya ka chnong thymme kawa tip kam ka Myntdu

Share this:
Previous

Dawa ka ECC naka MSPCB wow phah bru yow sah chi bnai yow yoo yei rukom krehkaam ki karkhana Coke

Next

U-23 Women’s Inter District Tournament: Jop ka EKH waka NGH