Yap uwi nei chah dung, chem ya ar ngut kiwa mynsoo wa lait im na iwi chi thaw

Ki pulit da chem ki yei metyap u Shabor Ranee na ka thaaiñ Mawdiangdiang ynne i step uwa da yap neidaw wa chah dung da ki tiar wa nep boonsien wei da ong wa ini i pynyap toh iwa yoo chyrkei. Neiliang ki pulit da pyntikna ki wa kini ki bru toh kiwa emkti ha ki kaam khayi drugs.

U Superintendent of Police ka East Khasi Hills, u Vivek Syiem da pyntip u wa chwa ini, ki pulit da chem ki leh ya ki ar ngut kiwa mynsoo uwi najan ka khyrdop BSF na Mawpat heipor 10:30 ynnin i miet ya uwa da pynkit noh cha NEIGRIHMS yow chah sumaar, wei da chem won ya uwi uwa mynsoo na kawi ka thaw ha Mawtawar.

ADVERTISEMENT

Katkam wa khana u SP, kini ki le ngut toh kiwa da emlang ynnin i miet wei da chah thombor ki ha ki jooh ki bru wei ka kari wa yoh ki pulit u kem toh ka yong uwa da khlaad noh, u Shabor Ranee.

U SP da pyntip u leh wa u Shabor Ranee toh uwa da chah pynbaad emkti ha ki kaam pynyap bru wa ki kaam khayi drugs tangwa ym ye won wow ong wa ini wa jia toh neidaw i drugs næ em kiwi ki daw.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

U Vivek da khana u wa ini i kynaad da sdang i na Pynthor heiwa da rahbor chadooh ka khloo Mawkasiang wei ha ka yakhun, ki ar ngut da yoh ki u yut katwa u Shanbor da chah dung u hadooh wa yap.

Da ong u wa ki pulit kattæ dang pynman ki yei takit yei daw wa da jia lada toh ka yachoon næ pynhiar tput næ ka ya kjaia hawa ya dai ya thied drugs.