I pynche naka 1-Nartiang National People’s Party

Ka National People’s Party (NPP) Nartiang Constituency lyngba u President, u Hamkom Khynriam wa u Secretary, u Mutshwa Thabah da pynche ki hajrong i mih khubor haka 28 tarik uni u bnai kawa da ong wa “Lyngngoh kiwa yahkhmat ka NPP hajrong ki kaam pynroi ha Nartiang”.

Kam kiwa kitkaam yong ka NPP 1-Nartiang Constituency da phylla wei da yoo kulmar wow yoo ya ki bru kiwa thmu wow pynboodnaam ya ka Party NPP wa ya u MLA, u Sniawbhalang Dhar deiwa kam ya idæ kam kiwa kitkaam yong ka Party wei kam kiwa yahkhmat wa khlan ka Party nadooh u Siberius Lamurong kam uwa ksohkaam ka NPP, u Donbok Syngkrem uwa da kam ya idæ wa toh u Secretary wa u Phrang Dhar uwa da kam toh u Asst. Secretary NPP Nartiang.

Kamtæ kiwa kitkaam sakhiat yong ka Party 1-Nartiang NPP Block Committee da pynche ki wa kini ki le ngut ki bru ymtoh kiwa kitkaam ka Party kamwa da kam ki wei ym em ki leh hapoh ka Party wei ym em tipmit ya ki da ka Party. Wei ka khubor wa da phah kini ki bru toh ka khubor thok kiwa thmu wow pyndooh burom ya kiwa kitkaam wa kyrchaan chitrhem yong ka Party NPP wei kamjooh leh ya u MLA yong ka thaaiñ u Sniawbhalang Dhar uwa da kreh chitom katwa ye yow pynku ya ka thaaiñ waka Constituency hi waroh kawi ha ka liang ka roi ka paar.

Ka 1-Nartiang NPP Block Committee da ong ko wa hapoh i yahkhmat wei synchaar ka sorkar MDA wa yahkhmat da ka NPP wa u Sniawbhalang Dhar kam u MLA, da em sakhiat ka roi ka paar ha waroh ki liang hapoh ka thaaiñ hi waroh kawi, nadooh ka MLA Scheme, Central Scheme wa kiwi kiwi iwa da man i myntoi ya u paidbah wa boon wa lang.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

“Kam kiwa yahkhmat wa kiwa kyrchaan ka Party, em i i kyrmen wa skem wa ka Party NPP u jop ko deiwa emburom naka 1-Nartiang Constituency wei daw yoh ko wow synchaar hi du samen ha u snem 2023 khnang wa ka thaaiñ wa ka jylla yong i u nang ku ko chaphrang ha waroh ki liang. Kamtæ i kam kiwa yahkhmat ka Party kwah i wow pynche cha phi ki paidbah wa ymtoh u ap ya kini ki khubor thok”, pynkut ka kyrwoh lyngba u President ka NPP 1-Natiang, u Hamkom Khynriam wa u Secretary NPP 1-Nartaing, u Mutshwa Thabah.