Ini toh i pynche heiyatoh wa i psiah NPP u J. Shylla, Adviser wa u R. Dkhar, Secretary ka Namdong-B Mosachram Congress Unit iwa da mih khubor ha ka 10 tarik uni u bnai.
Hei pynche da ong wa hei yong sakhiat ym toh wa psiah NPP ki, “Neiliang yong nga u J. Shylla wa ki paralok yong nga da yachem i wa u kyrtong ka NPP toh du neibynta wow paan yarap ya kawa i da dep kyrchaan pura i ya oo ha u snem 2018.”
“Hadien wa dadep u yaklam wa oo, da chondur ya i ryngkat wa oo, dei wym poi pyrkhat khlem da pyntip ya i da pynmih ki ha ki laad pathai khubor deiwa kam wa i da psiah NPP i,” da pynche chooh chooh u J. Shylla.
“Kwah O u khana wa ha uni u snem 2023 da ya krehlang i deiwa kyrchaan tylli nadooh wa sdang wa u Emlang Laloo ha ka Congress Party wei u yai neh i hadooh wa poi cha i jop u Emlang Laloo,” pynkut ka kyrwoh.
Puræ leh: Da ki hajar wan kiwa kyrchaan u Sniawbhalang Dhar ha ka yalang ha Moopliang
