Hawa wan cha ka ICAR-Research Complex for North Eastern Region, Umiam ynne ka sngi, u Giriraj Singh, u Montri ka sorkar pyrdi wa pait ya ka Rural Development wa Panchayati Raj da lai pait u leh ya ki thaw ri sñiang, siar wa ki thaw chna dud kani ka thaw deiwa lai pait leh yei thaw pynkha sñiang wa em ha Lumsniang wa chna da ka ICAR hi.
Da synran ya u Montri da u Arpit Upadhyay, Deputy Commissioner, Ri-Bhoi District wa u Giri Prasad M, Superintendent of Police, Ri-Bhoi District. Neiliang ka Dr. S.K. Das, Director ka ICAR da ko ya ki kyntien pdiang sñiawbha wei da khana ko leh ya ki kaam wa da leh ka ICAR wa ki thong yong ka.
U Giriraj Singh kam u kongsan da ong u wa i pyndap yei baam ha ki snem wow wan neidaw wa boon bru hapoh ka ri toh iwa daw chem chitom. Da pynkynmoo u yei emkaam wow pynkhlan yei pynmih baam da ki jait wa ye u mih chiboon deiwa wanrah yei yarap ya waroh salonsar khamtam ya ka Ri-Bhoi kawa man kam kawi na ki District wa ku bha.
Da khut u leh yaka ICAR wa yaka CAU-College of Post Graduate Studies in Agricultural Sciences wow ya krehlang deiwa pyrkhat nyngkong ya ki warep. U pynlut por leh wow thooh bniah da kiwa ye u krehkaam ha ki thaw rep.
Da pynchlur u leh wow thung ya u dieñ Moringa (Drum Stick Tree) neidaw wa khlan u wow taan ya ka Carbon yow pynman ya ka ri kawa khooid ka la-ær. Da pynkut u yei klam deiwa ong wa ka ri u man ko kawa dap wa kot du deiwa hoi khih hoi khan ki warep.
Neiliang ki Scientist ka ICAR da yaklam yillu bha ki wa u Montri ynnin ka sngi ha CAU-CPGS AS deilang ki wakreh hajrong kiwa boon ki kaam wa yatoh wa ki kaam rep, i ri mrad wa i psan dakha.
