Heiyatoh wa i dawa kiwa sikai Adhoc hapoh ka jylla, neiliang u Montri wa pait ya ka chnat Puræ Puthi, u Lahkmen Rymbui da ong u wa ka sorkar da yaleh kow wow pynhun yei yong waroh nadooh kiwa sikai, ki warep wa kiwi kiwi wei ha kini ki por wa ka sorkar dang yaleh ko wow leh yeiwa emkaam, emkaam wow em i chaniah kylliang.
Da ong u wa lada ym em i ya chaniah, ym poi cheiwon cheiwon neibhah ym ye wow pynbait ya iwon iwon i kaam du hapoh chi sngi ar sngi, neibhah ka sorkar kwah ko wow e yeiwa bha dooh cha ki paidbah wei ini ym mut wow pait du ya iwi donhi i kaam neibhah iwi i kaam ktah ko leh ya kiwi ki kaam deiwa pynrap lada pynu tulop lane pynbiang tulop tista, ka sorkar u leh ko katkam i bor yong ka.
Da ong u wow leh ya ini waroh, hap yang chwa wow chim ka sorkar yei rai wa khaddooh wei ka sorkar dang bichaar ko ya waroh iwa dawa kiwa sikai wei lada pynku tulop ym pu nood wow kular katwon u pynku neibhah iwon iwon i rai daw ktah ko leh ya kiwi ki chnat sorkar.
Da ban joor u leh wa ka sorkar ym ye ko wow kular wow leh iyi iyi iwa hadien won daw chem chitom wow su katkam wa da kular wei iwon iwon i rai wa chim daw man ko katkam i bor wa ye ka sorkar u leh.
Kam wow pynkynmoo, kiwa sikai Adhoc da dawa ki wow pynku ya ka tulop ki da T. 18,000 wa 5% i pynku (Increment) man-u-snem wei wow pynku kyrdan ya ki kam kiwa sikai Defict.
