I pynkylla ya ka Reservation Policy wa i pynkrehkaam ya ka Inner Line Permit (ILP) u man ko kam chibynta ka yurim yaleh Election MLA ka Bharatiya Janata Party (BJP) ha u snem 2023.
Neiliang u State President ka BJP u Ernest Mawrie da ong u wa ka Party kyrchaan ko yei dawa u MLA yong ka u AL Hek wa 40% toh u booh bhah neibynta kiwa dooh wa duk wa kiwa tlot ka imlang sahlang.
Da ong u wa ini i pynkylla ya ka Reservation Policy toh iwa da slem i dawa wei daw man ko kam chiybynta ka Election Manifesto ka BJP.
Hawa klam hajrong ka Reservation Policy, da ong u wa 80% na kiwa chong chnong ka jylla toh ki warep wa kiwa em hapoh ka BPL wei yow kyntu ya ki emkaam wow e bhah ya ki hei kreh wei lada krehkaam ka Policy kamni daw yarap bha ko.
U Mawrie da ong u leh wa i pynkrehkaam ya ka ILP u man ko leh kam kawi na ki thong krehkaam wa hakhmat ka BJP katkam wa angnood ki paidbah.
Da ong u leh wa ki MLA ka BJP man ki leh chibynta wow kyrchaan yei rai ka yung dorbar ha u 2019 yow dawa naka sorkar pyrdi wow pynkrehkaam ya ka ILP ha Meghalaya.
