Katkam wa da phah hapoh ka Compendium of Instruction wei khnang wow nang pynbha pynmiat yow man ryntih i rukom krehkaam yong ki Home Guard Volunteers. Neiliang ka Office u District Home Guards Commandant, Jowai da pyntip u cha kitu kiwa da em pyrtuid næ kiwa da yoh ya ka Training kam ki Home Guard Volunteers nadooh u snem 2010 hadooh u 2022 wow lai ki cha hikai pynthymme (Refresher Training) ka wow pynman da ka DTC Home Guard Jowai, West Jaiñtia Hills ha kini ki sngi wow wan.
Kamtæ da kyrpaad u lai pynpsiah (Enroll) yei pyrtuid ha lane chwa ka 18 tarik u May 2026 neibynta katai ka Training.
Hadien wa da pyndep ya ka sikai wa thymme, kini ki Volunteer daw ksoh ki ya ki kaam 3 snem hapoh ka Reserve Period wei hadien neitæ daw hap biang ki u lai cha ka Refresher Training yow pynthymme yow pynneh ya ka Reserve Status yong ki.
Lada kini ki Home Guard Volunteers ym ye ki u pyndep næ u lai cha ka Refresher Course, ym ye de ki u man næ u yoh kreh kam ki Security Guard ha ki chnat sorkar næ ha kiwi tawon ki Requisitioning Agency wei daw pynkut noh ya ki wow man ki kam ki Home Guards Volunteers katkam ka Rule 8 yong ka Assam Home Guard Act, 1947.
Discussion about this post