Toh u chibynta da waroh ha ka sngi kyrpang ki Nurse yow tiplang yei krehkaam ki: Wailadmiki

Ka Trained Nurses Association of India (TNAI), West Jaiñtia Hills Unit ha ka 12 tarik uni u bnai da pynemburom ki ya ka National Nurses Day ha District Library Auditorium, Mynthong, Jowai hajrong ka phang, “Our Nurses, our future: Empowered Nurse Save Lives”

Kani ka sngi man ko leh ka sngi wow kynmoo ya ka Florence Nightingale kawa man ka nong yahluti wow pynthymme ya i rukom krehkaam ki Nurse namo wow chakri ya ki paidbah ha i kjut i chitom.

Ha kani ka sngi u Montri ka chnat Health and Family Welfare, u Wailadmiki Shylla da wan emlang u kam u kongsan, katwa u Deputy Commissioner, u Abhinav Kumar Singh kam u symbood kongsan wei ya kani ka sngi leh burom da sdang da i pynkop diñ ya ka charak.

U Wailadmiki Shylla hawa klam da yaroh u ya ki Nurse heiyatoh i kaam wa kreh ki, ong u leh wa ki em ki ka bynta wa khroo neibynta i chait i khiah wei deiwa chimkhia yong ki ye u pynkhlan ya ki laad e sumaar ha ki District waphær waphær, heiwa ki paidbah leh sñiaw em kyrmen ki.

Ong haroh u wa hei sakhiat ha kam kani ka sngi kynmoo burom yong ki Nurse toh u chimbyntalang da waroh kiwa embynta haka imlang sahlang yow ya tipmitlang yei krehkaam yong ki.

Da pynkynmoo haroh u yei duna Doctor haka jylla, heiwa boon ki PHC da pait du uwi u Doctor wei em won leh ki wym em Doctor tang uwi leh.

Pynsñiaw u leh yei chem chitom hawa khut thap kreh Doctor wa kamjooh hawa phah ya ki Doctor u kreh ki cha ki thaw palatsor.

Related posts

I pyntip wa emkaam cha ki Home Guards

May 13, 2026

Wai u Prestone ya u sarok wa ka yingkieñ thymme ha Umiam yow ye biang ki Night Super u lai cha ISBT

May 13, 2026

Kamtæ yow pyndap yeini i duna wei yow pynkhlan chooh chooh ki laad e sumaar neini chaphrang, khana u wa neiliang ka sorkar da wanrah ko ya ki Medical College wa thymme wa kynthup leh ya kawa da sdang, ka Shillong Medical College wa kawa daw sdang, ka Tura Medical College deilang wa ka PA Sangma International Medical College kawa em hapoh ka USTM.

U Deputy Commissioner leh yaroh u yei kaam wa kreh ki Nurse neibynta u chakri ya ki para bru. Wa em ki por hapyrdi i chem saja ki yong ki hi leh tangwa dohyap bait ki u e ki laad sumar ya kiwa kjut chitom.

Ka DMHO, ka Dr. P. Shylla, ong ko ki Nurse ym du wa man ki kitæ kiwa e sumaar, tangwa man ki leh kam ki chrot wa khlan yong i chait i khiah. Neibhah wa man ki kiwa nyngkong wow yachem yaklam wa kiwa kjut yow e ki laad sumaar.

Chwa ini da yoh i klam yahkhmat na ka Eudora Blah, Vice Principal, NEACON, Khliehtyrshi kawa da kdaw hajrong ka phang yong kani ka sngi.

Da pynchongchit ya kani ka sngi da ki rwai wei lehkmen waphær waphær wa kamjooh ki jait yakob.