Ynne ka sngi u kyrtong ka TMC na 3-Raliang Constituency, u Robinus Syngkon da wan thap pyrtuid u kam u kyrtong neibynta ka Election MLA 2023.
Hadien wa thap pyrtuid u wei hawa yaklam wa kiwa pathai khubor, u Robinus da ong u wa ka thong yong oo toh wow kreh neibynta i yoh khih yoh kreh ki khynroo kiwa da em da ki hajar ngut man-u-snem kiwa pyndep ya ka puræ wa har rukom.
Da kdaw u wa wot ya ki kreh wa lait ha sorkar kiwa kamwa 8,000 tylli leh ym ye ka sorkar wow thung tangwa heipor Election da kular kreh hadooh 5 lak tylli.
Chooh chooh da ong u wa ka sarok toh kiwa da sih tam hapoh Raliang Constituency deiwa kdaw ya ki sarok cha Nangbah, Nongjngi wa kiwi kiwi.
“Nga katni su ki khynnah khynroo wa yarap ya nga wei u thooh ki laad wow yarap ya ki,” da ong u Robinus.
