15 49.0138 8.38624 1 0 4000 1 https://wyrta.com 300 0

I pyrchang wow pynkhooid ya ka Krangsuri

0 Comments
Advertisement ad1

Jowai : Ka kchaaid Krangshuri wa em ha Amlarem Sub-Division ha kini ki sngi da yoh yaroh bha ko ha ki website wa thoh chaphang i uiñsawari khamtam ha ka Tripadvisor heiwa waroh kiwa da poi cha kani ka thaw da e ki ya ka 5 Khlur na 5 Khlur (5 Star Rating) wei em ki por da em hadooh 100 ngut kiwa wan hiar cha ka ha ka chi sngi katkam i ong ki dkhot ka Raij Buam wa pait ya kani ka thaw.

Ha kini ki sngi leh da sdang ki paidbah u yoo wa kani ka thaw man sakhiat ko ka wa ye u pynmih poisa lyngba ka kaam Eco-Tourism neibhah kani ka thaw toh kawa em i parom yong u syiem Jaiñtia kam ya ka yingkeiñ moo wa em hajrong ka Amiaknieh kamjooh ka kchaaid wa yoh u lai na khlieh ko wei kamjooh u lai na dien wa haap ko.

krang_1301

I sdang kiwa boon u hiar cha kani ka kchaaid da wanrah ko leh boon i jakhlia i jhep khamtam ki klong kiad, klong plastic, ki plastic, ki yusong chips wa kiwi kiwi. Ha ki ar sngi ka 3 tarik wa 5 tarik uni u bnai ka Raij Buam hei yakrehlang wa ki ophis ka SDO Amlarem da pynkhooid ki ya ka luti wow hiar cha kani ka thaw, da thung dieñ kamjooh wow pynkhooid ya waroh i jhep.

Neiliang ka ophis ka SDO da ong wa yei chimkhia wei kitkhlieh ka Raij Buam ya kani ka thaw kam ka yong ki, daw wanrah ko leh boon i kylla ha kani ka thaw wei heijooh u por leh da kyrpad ya waroh wa wan ke cha kani ka thaw wym hoi u pyntngit næ wow pynjakhlia ya ka.

krnagpynkh4

krnagpynkh1

krnagpynkh2

krnagpynkh3

krnagpynkh

Advertisement ad1

0 Comments

Leave a Reply