U Montri ka chnat puræ puthi hapoh ka jylla, u Lahkmen Rymbui da pyntip u hapoh ka yung dorbar chna aiñ ynne ka sngi wa i rta kiwa yaleh kreh kam ki Lecturer hapoh ki College hapoh ka UGC Scale toh u man ki 32 snem deiwa pynyinsur 5 snem neibynta ki SC/ST.
Neiliang u MLA ka North Shillong, u Adelbert Nongrum hawa kylli chooh hajrong kani ka phang da ong u wa ka UGC ym em booh kyndon ko yei rta kiwa yaleh kreh kammon hapoh ka jylla da booh yei rta kiwa yaleh kreh.
U Lahkmen hawa jubab da ong u wa ka UGC ym em booh ko yaki kyndon wa yatoh wa i rta tangwa ka jylla hap ko wow bood yei rta wa 32 snem deiwa pynyinsur 7 snem neibynta ki ST.
U Adelbert da ong u leh kammon i jooh i kyndon yong ki University krehkaam ki ha ki College neibhah yaki University da pait daka UGC katwa ya ki College da pait da ki University kamtæ kammon wa man laitlooid i krehkaam ki College.
U Lahkmen hawa jubab da ong u wa i rta kiwa yaleh kreh toh kiwa booh daka sorkar Meghalaya wei da bood ya kini neibynta i bha i miat ka jylla.
