15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

I rukom pyllai kari ha ka sngi thap Vote ha Jowai

0 Comments

Jowai: Hei yatoh waka sngi thap Vote MDC cha ka JHADC ka wow man mynstep ka 27 tarik, neiliang u SP ka WJH da pyntip u ya kini ki rukom pyllai kari yow suk ka lai ka wan ki kari.

  1. Wah Nangbah Junction (No Entry):Hadien 3:00 waje i janmiet ki kari wa wan na New Hill Point wa Wah Nangbah ym chah ya ki wow lai ki cha yung krehkaam u DC lait noh ki kari wa kit ya ki kor EVM kiwa ye u lai cha thaw pynyeiñ kari Nangbah.
  2. H.K.Singh Junction (NO ENTRY):Hadien 3:00 waje i janmiet ki kari wa wan na Chutwakhu wa na Mission Compound (Pohskur) ym chah u lai cha DC Point wei hap ki u lai na madan Jrisalein, District Library, Jowai hadooh Stand War wei du ki kari wa kit ya ki kor EVM wa ye u lai cha DC Point.
  3. DC office Bypass Junction (NO ENTRY):Waroh ki kari wa wan neiliang Stand War daw hap lai ki na ka sarok wa lai nadien ka yung krehkaam u DC wei hap lai ki cha Wah Nangbah Junction.
  4. Sein Raij Parking Lot (NO ENTRY):Ym chah ya ki kari wow psiah cha Iawmusiang kiwa wan na kani ka liang lait noh kiwa kit ya ki kor EVM.
  5. Thomas Jones Junction (NO ENTRY):Waroh ki kari hap lai ki cha Thomas Jones Synod College ym chah u lai cha yungkrehkaam u DC.

Ya ki Polling Parties, Zonal wa Sector Officers:

  1. Du ki kari ki Polling Parties wa wan neiliang New Hill Point u chah u pynyeiñ ha Nangbah Stand wei hap mih ki chi syndon wa dep pynhiar ya ka kor EVM yow libooh cha ka Strong Room wei ya ki kari u pynyeiñ ha Ummulong Stand, War Stand wa Jrisalein.
  2. Ki Polling Parties wa wan na thaaiñ War u pynyeiñ kari ki hajan ka yung krehkaam JHADC wei hadien wa sai ya ka kor EVM ka kari u lai ko cha Jrisalein wei ye leh u lai cha Stand War lyngba ka District Library.
  3. Waroh ki kari yong ki Zonal wa Sector Officers (Civil wa Police) u chah u lai ki lyngba ka Wah Nangbah Junction cha DC Junction tangwa ym chah u pynyeiñ ki ha Nangbah Stand.
  4. Kiwi ki kari ki Polling Parties yei ki wow booh ha Stand War, Ummulong Stand wa ha madan Jrisalein.
Share this:
Previous

Da khang wow rah Mobile Phone hapoh ki Polling Station

Next

Pynsñiaw ka KSU yei sñiawsih wa khlaad syndet u dkhot warim yong ka