Heiyatoh waka yaseiñ Samla KJP Synod Mihngi ka wow man ha ka Balang Rymbai nadooh ka 28 Feb hadooh ka 01 March. Da pynbna yei rukom pynbait yei lai kari wa wan cha ka yaseiñ haka 01-03-2020 kawa man kamni ha wah:
Ki kari wa wan na ki thaaiñ Umkiang, Chiehruphi, Khliehriat wa kiwi kiwi wow lai ki lyngba u DC Road East Jaiñtia Hills. Hapoh 10 waje i step daw psiah bait cha madan Pampyrthai wei 10 waje chaneiñ won daw hap yieñ cha Mosynler, Lum PHE wa Lum Moolyngkut.
Ki kari wa wan na ki thaaiñ Shangpung, Jowai, Shillong wa kiwi kiwi toh u lai bait ki na sarok Lad Rymbai, Rymbai Road. Ki kari u psiah bait ki cha madan hapoh chnong Iawpynsiñ, Madan Balang hakhmat yung mane wei hadien 10 waje chaneiñ won u yieñ ki ha Lum Mopon, Lum Mynkoi.
Ki kari kiwa wan na thaaiñ Bataw, Borghat, Lama, Leshka, Dawki, Pynursla wa kiwi kiwi u yieñ ki ha madan Wahshnong.
Ka Balang ym em pynkhreh ko ya ki Car Pass neibhah ya u sarok bah daw pynlait bait waroh chisngi.
Neibynta ki VIP daw pynyieñ kari hapoh ka pchem ka Higher Secondary School ka Balang.
Ka Balang da pynbait ko leh wa ym chah ya kiwon kiwon wow chong dai haka Sngi u Blai kamwa 1km soodong na i thaw wa man yaseiñ neibhah wa ka Balang da pynkhreh chwa ko ya ki baam sngi wa i baam miet neibynta ki paidbah wa ngait Khristan wa kiwi kiwi de ha waroh ki yung Khristan hapoh ka Balang.
Kiwa klam haka Sngi u Blai heipor 10:30 i step toh u Rev. P. Nongkynrih, heipor 1:30 i sngi, u Rev. FM Gympad wei heipor 6:30 i miet u Rev. H. Sutnga.
Ini toh katkam wa pyntip ka Balang Presbyterian Rymbai wa wan na u Rev. S.B. Lyngdoh wa u Tbn. H.M. Thoo.
Discussion about this post