Jowai: U Superintendent of Police, West Jaiñtia Hills da pyntip u wa haka 9, 10, 11, 13, 14, 16, 17 wa 21 tarik uni u bnai, ki chipai ka BSF Dawki BOP waka Rongtilla BOP da kem ki waroh 193 tylli ki masi kiwa thmu wow challan tooh cha Bangladesh.
Haka 20 tarik won, ki BSF da chem ki ya ki bru wa thmu wow challan tooh ya ki masi cha Bangladesh ha Ryngku, Mawsynram hajan Zero Point, EKH; tangwa hadien wa yoo ki ya ki chipai ka BSF kini ki bru da yut ki na ini i thaw wei da ieh ki ya 14 tylli ki masi.
Haka 19 tarik, ki pulit ka Baghmara da yoh kem ki ya 7 tylli ki masi na iwi i khloo wa em hajan u pood ka chnong Baghmara (SGH) waka Bangladesh.
Haka 16 tarik won, ki chipai ka BSF da yoh ki wow ksoh yaka kari Tata Xenon ha Makbilkol, South Garo Hills wa kit ya 11 tylli ki masi wei da kem ya soo ngut ki bru, u Rex M Marak, Eusoft Ali, u Khalilur Rahaman wa u Sahidul Islam.
Discussion about this post