I sien wa 7 wa pynman ya ka Defence Drill, nachwa da pynman heipor wa em thma

Ka sorkar pyrdi lyngba ka Ministry of Home Affairs da pynmih ko ya ka hukum cha ki jylla ka ri wow pynman ya ka Defence Mock Drill ha ka 7 tarik uni u bnai.

Ya kani ka Mock Drill u pynman ha ki 244 tylli ki Civil Defence District wa kynthup ya ka Jaiñtia Hills, East Khasi Hills wa ka West Garo Hills ka jylla Meghalaya.

Kani man ko ka sien wa ynñiaw wow pynman ya kam kani ka Defence Mock Drill ha waroh kawi ka ri.

Nyngkong dooh da pynman ya kam kini ki Drill toh ha u 1962 kawa man ka thma China, ha u 1965 wa 1971 heipor ka thma Pakistan wa thma Bangladesh, ha u 1999 wa em ka thma Kargil, ha u 2001 hadien wa chah hiar thma ka Parliament, ha u 2008 hadien wa chah hiar thma ka sorbah Mumbai wa ha kani ka 7 tarik u Naisan 2025.

Related posts

Yap uwi katwa dang kaap cha chiliang sarok | Yut ka kari wa tyrrah

June 28, 2026

Chirta beh kreh ka Meghalaya Cricket Association ya u Coach wa u Manager, chah Suspend soo ngut kiwi heiyatoh wa i chah leh khlem akor ki kynthai wa yalehke

June 28, 2026

Ini i pynman ya kani ka Drill toh nei kynaad hapyrdi ka India wa Pakistan hadien wa chah siat yap ki 26 ngut ha Pahalgam ha ka 22 tarik u Naitung uni u snem.

Hadien ini i jia ha Pahalgam ka India da pynsangeh ko ya ka Indus Water Treaty wei da e kti laitlooid ya ki chipai wow jubab ki ya ka Pakistan najrong wa phah liwan ya waroh ki Pakistani.

Wan i leh hadien wa ki Montri ka sorkar Pakistan da sñiaw tikna ki wa ka India ye ko wow hiar thma ya ka Pakistan ha iwon iwon i por.