Ka sorkar India lyngba ka yung krehkaam ka District Social Welfare Officer, East Khasi Hills daw pynman ko ya ki Assessment Camp yow pait wei thooh bniah ya kiwa em i duna hei doh i pran yow yoh yarap ki hapoh ka Assistance to Disabled Persons for Purchase/Fitting of Aids/Appliances (ADIP) wa hapoh ka Rastriya Vayoshri Yojana (RVY) Scheme.
Ya kani ka Camp daw pynman ha U Soso Tham Auditorium Hall, State Central Library ha ka 7 tarik uni u bnai nadooh 10:00 waje i step da ka thong wow yarap ya kiwa duna hei doh i pran yow thied ya ki tiar ki tar wa yarap ya ki.
Kamtæ da pynchlur ya kitu kiwa em i duna hei doh i pran hapoh ka jylla wow wan ki deiwa rahlang wa ki kot ki sla wa emkaam neibynta ka ADIP Scheme wa kynthup ya ka UDID Card næ Medical Disability Certificate (40% chaneiñ), Aadhaar Card, Income Certificate (hapoh Rs. 22,500 chi bnai) wa i dur Passport Size.
Neibynta ka RVY Scheme won emkaam wow rah ya u Aadhaar Card, Income Certificate (hapoh Rs. 15,000 chi bnai), wa i dur Passport Size.
Discussion about this post