Jowai: U montri rangbah ka jylla, u Conrad Sangma chirup wa u montri ka tnat C&RD u Sniawbhalang Dhar, u MLA ka Jowai u Wailadmiki Shylla, u MLA ka Mawhati u Dasakhiat Lamare, ki MLA na ri-loom Garo, u CEM ka JHADC u MB Rymbai ynne ka sngi da lai sylli ki ya i chna ya ka Iawmusiang Market Complex.
Ha kani ka lai sylli u Conrad da psiah u neiliang ka yung krehkaam u DC chapoh yaaw heiwa da ksohkti u ya ki kattu katni kiwa chong dai hapoh yaaw.
Da yachem u ya ki sahep na ka tnat PWD (Building) wa ki sahep na ka JHADC ha kani ka yaaw heiwa da ap wei da sylli u yei kreh ya kani ka thaw.
Hadien wa sylli yeini hawa yaklam wa kiwa pathai khubor ha kani ka thaw, u Conrad da ong u wa kani ka kaam man ko kawa kongsan bha ym du ya ka sorkar jylla ymtoh du neidaw wa da sdang ya ka da u (T) PASangma tangwa wot ya ka JHADC wa ka ri-loom Jaiñtia hi waroh kawi.
Kani ka kreh da kheiñkor bha i ka wei da chong yalang i chiboon ki yalang wa ki heh ka DONER wa u montri kani ka tnat wei da kular ki wow kyrchaan ya kani ka kaam deiwa pynlait noh ya ka poisa wa dang sah.
Chooh chooh da ong u wa dang em kiwi tawon ki kreh kiwa haap hapoh ka DONER Ministry hapoh ka jylla wei da pynksan wa emkaam wow pyndep noh ya ki, wei neiliang ka sorkar pyrdi da pdiang ko wow pynlait noh ya ka poisa.
Da pynrap u deiwa ong wa kani ka kaam da sahteiñ ko iwa pynbood yei ku dor ki mar, i pynkylla ya i rukom chna wan dur (design) wei ini da wanrah i yei ku ka bai kreh da palat T. 12 klur tam iwa man wa emkaam waroh kattu sa T. 24 klur wei daw yoh chwa dang T. 12 klur wei kawa dang sah dang haap pyrkhat i ka.
Kam wow pynkynmoo heini i chna ya ka Iawmusiang da mang wow lut palat T. 18 Klur tam wei da yoh ya ka poisa dang du T. 6 Klur tam, wei ini i ku dor i chna ya ka Iawmusiang da kynjoh i hadooh kamwa T. 30 Klur tam.
Discussion about this post