I na i liang ka yung ka sem u (L) Wanrose Pale pynsñiaw i yei sñiawngooh wa khroo ya u Blai Kynrad uwa da emlang chirup wa i ha kiwa boon ki bynta heiwa ka yung ka sem wa da maad ko ya i jia wa sñiawsih ha i dooh noh ka yung ya u pa wa maya yong i.
Pynsniaw i leh ya i sñiawngooh ya ki Pastor, ki Tymmen Basan, Rangbah Balang kamjooh leh ya ka Balang hi waroh kawi kawa da emlang chirup kat hadooh ka sngi wow pyndep ya ka niam ka rukom.
Dap i leh dei sñiawngooh ya u Waheh Chnong, ki EC Member ka chnong kamjooh leh ya ka chnong hi waroh kawi kawa da emlang chirup hei wow yarap ya ki kaam ha kiwa boon ki liang.
I sñiawngooh i leh ya ka kur Pale nadooh ki beikha beimen kiwa da emlang wa ksohktilang phi wa i liang wanang.
Khaddooh pynsñiaw i yei sñiawngooh wa khroo ya ki paralok parajor kiwa najan najngai kiwa da e mynsien ha kam kani ka por wa ka yung dap ko dei sñiawsih.
E wa u Blai u nang thæh u i kyrkhu kyrdoh ya phi waroh.
Kiwa sñiawngooh na ka kurim, ki khon, ki ksu wa ki pyrsa kurim.
Discussion about this post