Uwi uwa rep na Saharanpur ka jylla Uttar Pradesh da yoh yaroh bha u hadien wa duna u yei dor u hadoh Rs. 1 lak tam chi kilo u sapieñ Miyazaki hadien wa tip wa uni u sapieñ toh ya ka bei uwa thied.
U Sandeep Chaudhary uwa na ka chnong Tharoli, Saharanpur da pynlut u le snem wow rep ya u sapieñ Miyazaki uwa man u sapieñ wa pawnaam na Japan uwa syad dooh hapoh pyrthai.
Ya u sapieñ da thied da u heh spah na Surat, u Praveen Gupta uwa da paan thied ya u sapieñ chi kilo (iwa man soo tylli) hei dor wa Rs 3.5 lak.
Hadien wa khana u Gupta ya u Chaudhary wa uni u sapieñ toh ya ka bei u, wei deiwa kynmoo ya ki kyntien u Prime Minister Narendra Modi wa ong ‘Ek Ped Maa Ke Naam’ u Chaudhary da pynduna u yei dor da Rs 1.39 lak, wei da yabait ki yei dor wa Rs 2.11 lak.
U Gupta da phah chwa u Rs 1.11 lak Online kam ka poisa su chwa wei ka Rs 1 lak won u su hadien wa yoh ya ki sapieñ ha ka 1 tarik u August.
Discussion about this post