theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

I takit yei yap u Cherish toh kawa smat dooh wow pyndep wei wanrah hapoh dorbar: Prestone

U Symbood Montri Rangbah ka jylla da ong u wa ka sorkar ym em pynslem ko yei takit, wei ka bui (Report) yong ka takit wa yatoh wa i chah siat yap uwa yahkhmat warim ka Hynñiewtrep National Liberation Council (HNLC), u Cherish Starfield Thangkhiew toh kawa smat dooh na kiwi wow pyndep wa pynman daka ‘Judicial Inquiry Commission’ wow rah hapoh ka yung dorbar chna aiñ.

Da ong u wa neiliang ka sorkar MDA da chimkhia ko wow phah pyndep smat ya ka takit wei wow lai rah smat leh hapoh ka yung dorbar, wei kani ka takit ye u man kawa smat dooh wow rah ha ka dorbar.

Advertisement ad1

U Prestone da khana u leh wa da dep wow batai che cha ki dkhot ka Sur ka Bri U Hynniewtrep, wa ka sorkar daw hap ko wow lai katkam ki kyndon wa da booh hawa yatoh wa ka takit hajrong i chah siat yap yong u Thangkhiew.

Da khana u wa da pynche leh wa ya ka bui yong ka Inquiry Commission hap wow rah chwa hapoh ka yung dorbar chna aiñ, wei nadooh ka sngi wa da rah hapoh ka yung dorbar katai ka bui u man ko ya yong ki paidbah, heiwa da kyntu ya ki dkhot ka Bri U Hynñiewtrep wow yaichah hadooh ka 9 tarik u bnai wow wan, kawa man leh ka sngi sdang ya ka dorbar yow wanrah syndon ya kani ka bui.

Hawa yatoh wa i wym pyndam kreh chwa ya ki pulit kiwa lai khynra wei siat ya u Cherish ha ka step ka 13 tarik u Naisaphra 2021, u Prestone da ong u wa ka sorkar da dep ko wow klam che ya kiwa yahkhmat ka Mawlai Town Dorbar wa ki seiñ kiwa yakhih wow e laad chwa u pyndep ya ka takit wei iyi wa da chem wei iwa mih na ka takit ka sorkar daw leh ko ya iwa emkaam.

Advertisement ad1
Share this:
Previous

Pynbna u Conrad wa daw tipmit yaka TJSC hapoh ka People’s College Scheme

Next

Da kyrriah ya u DC ka West Jaiñtia Hills