U Montri ka chnat Arts and Culture, u Alexander Laloo Hek ynne da ong u wa ka chnat ym em thmu ko wow e ya i thaw ka Tribal Research Institute (TRI) cha ka chnat ki kaam pohyung wow chna ya ka ktem ki CRPF ha Mawlai.
U montri da pynche u yeini hadien wa mih i pyrchah ynnin ka sngi na ki paidbah wa ki seiñbhalang ka Mawlai hapoh i yahkhmat ka Seng Samla Mawlai Pyllun.
Hajrong i lai sylli ki sahep ka chnat ya ini i thaw, u Hek da ong u wa ini toh yow booh ya ka Traditional Market ha ini i thaw wei wow pynheh chooh chooh ya ka Tribal Research Institute (TRI), hadien wa ka jylla da yoh ko ya ki Scheme na ka Ministry of Tribal Affairs.
Da ong u leh wa ha ini thaw nadooh i por ka sorkar Assam toh wa da booh ya ka TRI, heiwa da pyntip u wa ki chipai-pulit CRPF kiwa em ha ini i thaw toh nadooh u snem 1962, wei katni ka chnat da emkaam ko ya ini i thaw wei da emkaam wow pyntip noh cha ka chnat ki kaam pohyung wow kyrriah noh ya ki CRPF cha iwi i thaw.
