theme-sticky-logo-alt
theme-logo-alt
Advertisement ad1
Advertisement ad1

Ym em leh jhan, ka Congress hei por yong ka ym em leh ko iyi iyi ya u pood: Conrad

Advertisement ad1
Advertisement ad1

U Montri Rangbah ka jylla, u Conrad K Sangma da ong u wa ka sorkar ym em leh jhan ko hawa yatoh wa i pynbait ya u pood u ang wa ka jylla Assam, tangwa da pynrap u wa iyi wa ka sorkar da pyrchang ko wow leh ha ki ar bnai wa da dep toh i wym pu jooh leh mynnu mynnu leh, wei da pynrap u wa man i iwa sñiawsih wa ka sorkar wa yahkhmat da ka Congress ha ki por wa da dep ym em ye ko wow leh iy iyi, wei ym tip tang yei thaw wa ya kajia ym boi yaklam yei pyrtuid yong ki chnong.

Da ong u wa ka Liang Pyrchah toh u pyrkhat bha iyi wa kwah ko, neibhah toh iwa sakhiat wa ka Congress ym em leh ko iyi iyi nachwa, tangwa ka sorkar wa katni da pyrchang ko, wei iwa sñiawsih toh wa ka Liang Pyrchah lada ym yaklam næ yachem, da ong bait ki wa ka sorkar ym chimkhia ko tangwa hawa yaklam wei yachem wow pynbait, da pynbaad deiwa man chawa palat wa toh iwa leh jhan.

Advertisement ad1

U Montri Rangbah da ong u wa ka sorkar ka sñiawthooh ko yei sñiaw yong ka Liang Pyrchah hawa yatoh wa i thmu pynbait ya u pood u ang, wei kam ka sorkar ka sñiaw ko wa hap wow lai deiwa chim lang yei sñiaw yong kiwa boon wa lang.

Da pynsñiaw leh wa sñiaw yahaap u yei klam wa da mih na ka Liang Pyrchah wa ka sorkar ym toh wow leh jhan, wei da ong u leh wa kamwa man, ka sorkar ym em da leh jhan, tangwa da pyrchang katwa ye wow kreh chitom neibynta wa ye wow pynbait noh ya u pood u ang.

U Conrad uwa da lai yooh kjat lang ynnin ka sngi ha Langpih deilang wa u Montri Rangbah ka Assam, da ong chooh u wa ym toh iwa suk wow pynbait heijooh i por ya waroh ki khappood, deiwa pynrap wa lada em kiwon kiwon kiwa rap kylleiñ næ jwat, daw yatai biang kammon wow thooh ya ki laad.

Share this:
Previous

I thmu toh wow pynpoi chwa tang ya ka rel kit mar ha Byrnihat yow myntoi ki paidbah: Conrad

Next

Deilang wa ki arngut e yarap u MDC ka Mynsngat-Khanduli da ki kymmor cha ka Children’s Home