I thong ka Meghalaya Mission Football toh wow pynmih ya kiwa yakehke Football kiwa ye u poi cha ka World Cup: Dr. Mukul

Shillong: U Montri Rangbah ka jylla u Dr. Mukul M Sangma da wai u ya ka “Meghalaya Mission Football” ha ka yalang wa pynman ha JN Sports Complex, Shillong ynnin ka 22 tarik.

U Dr. Mukul ong u wa kani ka Mission Football toh ya ki paidbah ka jylla Meghalaya wei da e khublei u leh ya ka tnat Sports & Youth Affairs, ki dkhot ka Meghalaya Football Club wa kiwi ki seiñ wa em yatoh waka kiwa kyrchaan kamjooh kiwa ya krehlang hadooh u pynkhreh ya ka Mission Document wei da ye u wai paidbah ya ka.

U Montri Rangbah da ong u leh wa lyngba kani ka Mission Football ka jylla da snoh kti lang ko wa waroh ka wi ka pyrthai hei maya ya ka yalehke Football kamjooh leh daw tip ya ka Meghalaya kam ka jylla wa ye u pynmih kiwa yalehke hadooh ka World Cup na ki 1.2 Billion ngut ki bru wa em hapoh ka ri India.

Ini waroh toh i thrang yong ki paidbah u pynkhlan ya i rukom sikai yalehke Football wei wow chem ya kiwa em ya i sap nadooh wa dang khian ki wei wow yahluti ya ki hadooh wa poi ki cha ka kyrdan yalehke wa ha khlieh dooh da ong u Dr. Mukul.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Vice Chairman, All India Football Federation and Chairman, Development Committee, u Larsing Ming Sawian da ong u wa ka Meghalaya da kaap ko cha khmat wei hapoh ka jylla da jan dep u chna ya ka madan wa 6 wa em Artificial Turf kawa boon dooh ha kawi ka jylla hapoh ka ri. Da kular u leh wa ki Football Club ka ri u krehlang ki wa ka sorkar jylla yow poi cha ka thong ka Mission Football.

Hapoh kani ka Mission Football daw yoh leh ya ki sikai ym du ya kiwa yalehke daw pynbniah leh ya ki Coach wa ki Referee.

Hadien ka yalang da pynphooh ya ka sngi da ki lehke Drill wei da em wow ka yalehke Football yong lok hapyrdi ka North East XI wa ka Rest of India XI.