Jowai: Kiwa chong chnong ka thaiñ Musniang East Jaiñtia Hills District da wan yachim bynta ki ha ka yalang piadbah kawa da pynman da ka Hynniewtrep Achick National Movement (HANM) Musniang Unit, ha ka 25 Naiynru heiwa da pynche yei pyrchah wow booh ya ka camp chipai ki BSF ha katai ka thaiñ.
Ha katai ka sngi ya ka yalang da pyllai da u Secretary HANM Musniang Rim u D.War, heiwa da yoh yei klam na ki paidbah wa kiwa heh wa sian kam u ma M. Bareh, Waheh Chnong Musniang u ma Nangteiskhem Siangshai, u President HANM East Jaiñtia u Ency Shadap, u President HANM Jaiñtia Hills u Shaniah Suchen, u ma Tngen Siangshai, Pynwan Siangshai wa kiwi kiwi.
U Damon Dkhar hei klam da kyntu u ya ki paidbah ka thaiñ wa ymtoh u chah pynbiej næ chah yalam bakla ha ki kattu katni deiwa ong wa i wan ki BSF daw wanrah ki yei roi i paar tangwa ka man ko du ka tnat chipai donhi. Weiwa i wan kini ki chipai daw ktah joor ko leh ya i chongsuk kamwa da jia ha kiwa boon ki bynta ka ri India khamtam i ma ya ki kynthai khynnah.
U Shaniah Suchen hei klam da e mynsien u ya ki paidbah wa ka seiñ emlang ko chirup wa ki lada jia katwa em tangwa ki paidbah leh emkaam u kyrchaan ki ya ka seiñ.
Discussion about this post