Ka Khun Hynniewtrep National Awakening Movement (KHNAM), da e ko yei kyrchaan wa pura yei yakhih ka All Khasi Meghalaya Tourist Taxi Association wow dawa pynrkhiñ ya ki kari Assam wow kamai jem cha ki thaw uiñke suwari wa em hapoh ka jylla.
U Working President ka KHNAM, u Thomas Passah da khana u wa nadooh u snem 2017, ka KHNAM da pynsñiaw ko ya kani ka phang cha ka sorkar, wei ha u Thohlakhmi (Feb), 2018 lyngba u Commissioner ka chnat Transport da pynmih ya ka hukum (Order) wow pynrkhiñ yei yoh ki kari na baar jylla wow kamai cha ki thaw uiñke suwari wei kamjooh kiwi ki kari wa yoo suba tangwa kani ka hukum ym em pynkrehkaam ka da ka sorkar MDA.
Da khana chooh chooh u wa hadien ini, neiliang ka KHNAM da lai booh dorkhat biang ko yow pynim biang ya kani ka hukum tangwa da sepai noh neidaw wym yoh yei jubab.
Hajrong ini, ynne neiliang ka KHNAM da lai yachem ko wa u Executive Member ka KHADC wa pait ya ki kaam Khayi, u Gigur Myrthong yow dawa na ka KHADC wow leh iyi iyi, deiwa kdaw leh wa i yoh wow kamai laitlan ki kari Tourist ka Assam cha ki thaw uiñke suwari man ko pyrchah ya ka aiñ katkam ka Khasi Jaintia Hills District (Trading by Non-Tribal) Regulations 1954.
Discussion about this post