I wym khut u Mukul wow yaklam ya ka KSU toh i pait chilliang khmat: JNC

Jowai: I wym mano ka sorkar wow khut yaklam ya ka Khasi Students’ Union (KSU) da pynyoo ko yei tlot ka sorkar wow wanrah yei chong suk chong saiñ hapoh ka jylla hei yatoh wa i yakhih pyrchah yei chna ya ka luti rel.

Ka Jaiñtia National Council (JNC)-Seiñbei da beiñ joor ko ya ka sorkar MUA-II kawa yahkhmat da u Montri Rangbah ka jylla u Dr. Mukul Sangma, neibhah ka jaitbru da maad ko chiboon ki moochynthut ha kani ka sorkar kawa da mut leh wow kylla hadooh ka Dustur Riti ka yong i.

Ha kani ka kynti won ka sorkar jylla da thombor ko ya ka hok yong ki paidbah deiwa chah ki wow chna ya ka luti rel ha pyrdi i pyrchah joor naki paidbah wa ki seiñbhalang, chooh chooh ka NFR ym em yoh NOC ko naka KHADC wow pynkreh ya kani ka luti rel hapoh u pood u ang ka Council.

I pait chilliang ka sorkar leh toh iwa che bha hanlada da boon ki kari wa ki yung wa chah thang hei pakhot Petrol Bomb wei lada ini jia i ha ri-loom Garo ka sorkar u Mukul smat ko wow khut yaklam ya ki seiñ.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka JNC da pynsñiaw ko yei syir mynsien yei dukhi mynsien ka sorkar wei i kem ko ya ki dkhot ka KSU iwa da ktah ya kiwa ha yung ha sem ki, kiwa thoh khubor, kiwa yah khmat niam wei ki paidbah boon da pynsñiaw ki yei chrai yong ki ha ki Social Media lyngba ka Facebook.

Ini i pynslem ka sorkar daw pynkop diñ chooh chooh ko yei diñ wa da kyr-ooh wei lada toh wa ka sorkar kawa chanajngai ym toh u pyllut por ko wow pynyoo bor wa ki seiñbhalang.

Kani toh katkam ka khubor na u Sambormi Lyngdoh, General Secretary JNC – Central Body.