Ka seiñ Khasi Students’ Union-East Jaiñtia Hills District Unit, da sñiawkhia ko hajrong i wym ya ksohkti lang kiwa yah kari kiwa jooh lai lyngba na ka sarokbah National Highway-6 ha East Jaiñtia Hills District, ki wym burom yei kyrpaad ka seiñ wym toh u yah kari nadooh 7:00 waje i miet hadooh 5:00 waje i step pynyoo i wa sñiawsuk ki wow lai na uni u sarokbah.
U General Secretary ka seiñ, u K.S. Suchiang, da ong u wa ha ini i kyntu ya waroh wow sangeh yah kari dei miet da chem wa em chiboon ki wym ksohkti waka seiñ neibhah man i kam i dak wow pyrchah ya ka NHAI wa yaka sorkar jylla.
Ini i yakhih wow dam u yah kari nadooh ka 25 tarik i miet hadooh ka 2 tarik da dap chi tayaaw tangwa ym em wa ap ya ini i kyrpaad ka seiñ.
Da ong u wa ka seiñ daw chong pyrkhat biang ko hajrong i man i long uni u sarokbah wei kwah ko wa waroh kiwa yah kari u ya kreh ki waka seiñ.
I sih uni u sarok khamtam ha ka thaaiñ Narpuh da booh i ha i maa ya ki paidbah wa lai luti neidaw wa joor i ya tyrrah kari wa i sahkut kari.
Chooh chooh ka seiñ da ong ko wa ka NHAI ymtoh du u chna pynmiat namo Repair ya uni u sarok tangwa emkaam wow siang psiang biang ya oo wei u pyndep hapoh u Wisu (Mar) 2024.
Discussion about this post