U SP ka East Khasi Hills, u Vivek Syiem, ynne da ong u i yap ngam um ka Insaphira Lyngdoh Mawnai (4 snem) ym em de kheiñ kam iwa toh leh bakla (Accidental) tangwa kam i kaam wa da leh chynnam hadooh wa poi chei yap (Homicide).
U SP da khana u wa i takit ya u khynnah wa 13 snem uwa da chah pynbaad wa leh yeini dang pteiñ i wei dang em hi u hapoh ka Juvenile Home. Wei katkam wa chem ka Special Investigation Team (SIT) ini wa jia toh deiwa leh chynnam tangwa yei daw ym pu tip deiwa tikna.
Chooh chooh u SP da khana u wa uni u khynnah da ong u wa da jia iwa jia toh nei yaknieh Biscuit, tangwa ka SIT dang takit ko boi ym leh i thmu wow slaitbor.
Ka takit dang yaleh ko wow tip thij kamwa jia wei ka SIT leh da pyntikna ko wym em de kiwi kiwa emkti ha ini i kaam lait noh uni u khynnah.
Kam wow pynkynmoo wa uni u khynnah nyngkong da khana u wa manda poi ha kani ka thaw em um da sait u yei slipar neidaw wa ktieh wei da tlær u chapoh um heiwa da taan lang u ya ka Insaphira wei neidaw wa tieñ hadien wa kdang um ko da ban u ka da u moo.
Ka SIT da yoh por ko 90 sngi wow Charge Sheet nadooh ka sngi wa kem ya uni u khynnah.
Discussion about this post