Hadien wa ki pulit ynne i step da lai chim ki ya ar tylli ki metyap yong uwi u khynroo wa kawi ka khyllood kiwa da thiah yap hapoh kawi ka dukan dai kwai dong ha Lumsohphoh harood u surok Nongthymmai, Shillong, neiliang ki pulit da sdang ki yei takit wei katkam ka takit hadooh kattæ da suba wa kini ki ar ngut toh kiwa da pynkhut hi yei mynsien ha u tylle pasi.
Hawa pyntip yeini, neiliang u Superintendent of Police ka East Khasi Hills, u Vivek Syiem ha ka kyrwoh da khana wa kini ki ar ngut toh kiwi tip kam ka Pronome Hajong (22 snem) kawa na Balat wa u Semanto Hajong (21 snem) uwa na Ranikor, South West Khasi Hills.
Da pyntip u leh wa yei metyap kini ki ar ngut da pynkit cha NEIGRIHMS yow pyndep ya ka Post-Mortem wei ki pulit da antaad ki wa ka Post-Mortem leh daw kdaw ko wa da pynyap hi ki pyn ya idæ.
Hanla kattæ leh ki pulit dang yang ki yow pyntikna kammon wa jia manda yoh ya ka Post-Mortem Report.
Discussion about this post