Ka Jaintia Coal Owner Miners Supplier & Workers Association (JCOMSWA) da pyntip ko wa daw pynman ko ya ka Rally ha ka 16-06-2026 neidaw wym chimkhia ka sorkar ya kiwa dooh wa duk wei ha katai ka sngi daw lai toor bait cha ka yung krehkaam u DC wa em ha Khliehriat.
Kani ka Rally u sdang ko heipor 10:00 waje i step na Ladrymbai Dongwah iwa man i thaw wa chah thngan u President ka JCOMSWA, u Marshall S.B. Biam uwa da chah thnang la 14 sngi uwa kattæ da tlot wei da wan e Drip ki Doctor.
Kamtæ da khut da wer ya ki seiñbhalang na Khasi, Jaiñtia wa Garo Hills, ki seiñ kamai kari nadooh ki Taxi hadooh ki Truck, kiwa chong dukan, ki bru paidbah chynrang wa kynthai wow wan phi yow lai dawa yei hok ki paidbah yow wai noh ya u mooyong uwa da chah khang la 12 snem wei kamjooh neibynta ki 8 tylli ki phang kiwa da booh ka seiñ.
I pyntip na u Information Secretary, u Overcome Dkhar.
Discussion about this post