U Montri wa pait yaka chnat puræ puthi, u Rakkam A Sangma da pynche u wa i yoh kreh hadooh 33 ngut du na kawi ka jaitbru toh katkam wa ye ki heipor wa yakhun yaka Written Exam waka Interview.
Kam wow pynkynmoo wa ynnin ka sngi ka seiñ Akhil Bharatiya Vidyarthi Parishad (ABVP), Meghalaya da dawa ko wow thung dei takit hajrong ini i yoh kreh yow man kam kiwa sikai Assistant Teacher ha ki Government LP School wa em ha Dadengre Sub-Division, West Garo Hills heiwa ki 33 ngut kiwa da chah jied hapoh ka Unreserved Category ym du wym toh ki jaitbru ri-loom ka Meghalaya tangwa da man ki leh waroh ki Muslim ha ki 34 tylli ki kaam wa lait iwa da pynkhryngiat wa ileh ym em uwi leh u Garo wa mih pyrtuid heini, kamtæ da dawa wow pynsangeh noh chisiendon yeini i thung kreh.
Katkam wa pyntip u Montri, da em hadooh 230 tylli ki kaam sikai wa lait ha ki skur sorkar ha Dadenggre Sub-Division, wei yei thung kreh da leh deiwa pynkrehkaam pura ya ka Roster System.
Da khana u wa ki 34 tylli ki kaam wa da pynbna ha ka Result toh kiwa haap hapoh ka 15% ka Unreserved Category, wei kini toh neibynta wow hikai ha ki skur Bengali Medium wa Assamese Medium.
U Rakkam da khana u leh wa napyrdi ki 230 tylli ki kaam hikai wa da khut Interview, kamwa 147 tylli toh neibynta ki jaitbru ri-loom.
Discussion about this post