I yukheiñ ka NITI Aayog wa dooh ka Meghalaya toh yong u snem 2018-19: Conrad 

U Montri Rangbah ka jylla Meghalaya, u Conrad K Sangma ynne ka sngi da pynche u wa ka yukheiñ kawa pynmih da ka NITI Aayog dang ha kini ki sngi kawa pynyoo wa ka Meghalaya man ko ka jylla kawa dooh tam hadien ka Bihar, toh ka yukheiñ wa da chim nadooh u snem 2018-19.

Da ong u wa em i kyrmen wa hadien wa da pynmih ya ka yukheiñ yong u snem 2020 wei ya ki soo snem hadien, ka jylla daw rap ku ko.

ADVERTISEMENT

Chooh chooh da ong u wa kamwa mih katni ympu em ka yukheiñ yong u snem 2020 hadooh 2022, ya iwa ka sorkar ha kini ki snem da leh ko chiboon ki kaam wow kyntu ya i yoh i laa ka jylla, ya ini u Conrad da klam u ha ka yalang pynkup burom ya ki bru kiwa kreh ya ki kaam samen deiwa e nongmuna u ya ki kaam wa ka sorkar da sdang ko wow pynchlur ya ki bru samen nadooh u snem 2021.

Ha iwi i liang da pynsñiaw u yei sñiawkhia wow yoo wa ka Meghalaya em ko ha ka thup kam ka jylla wa boon tam ki bru wa boon kurim.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u wa ya waroh ki bui kiwa da pynmih, ka sorkar emkaam ko wow chimkhia wei wow bichaar bniah, wei kawa sñiawkhia, hanla ka sorkar ymye ko wow tuklar ya waroh i eh i khoo, tangwa daw pyrchang wow pynbha ya ki.