I yut seiñ ki bru nawi chawi ymtoh iwa thymme: Dr. Mukul

Shillong: U Montri Rangbah ka jylla u Dr. Mukul Sangma hawa yaklam wa kiwa e khubor ynne ka sngi da ong u wa i mih khubor wa em kattu katni ngut ki MLA ka congress kiwa thmu wow mih noh na ka party ymtoh iwa thymme wei da ong u wa ha ki seiñ pyrthai em bait kiwa psiah wa mih lada na ki seiñ loom namo ki seiñ National Party wei ka Congress da jooh em kiwa yut na ka nadooh nachwa.

Da ong u leh wa i em yong ki bru kiwa saiñ pyrthai ha ki party ym mut i wa waroh em ki ka jooh ka yumut næ ka thong krehkaam, tangwa kiwa boon hi lai pynyabi ki wa ki party waphær waphær hei thmu wow pynmankaam yeiwa kwah ki samen.

Hei yatoh wei ieh kaam u President ka Nongpoh Block Congress Committee (NBCC), u CB Syiem chirrup wa ki 18 ngut ki dkhot ka party deiwa ong wa ym em burom ka sorkar ya u President ka MPCC u uwa man leh uwa ebuit ya ka sorkar MUA-II, u Dr. Mukul da ong u wa da tip u wa daw jia kamni nadooh ar tayaw nachwa.

“U CB Syiem da jooh yaleh pyrchah u boonsien ya ka party wei da toh u chah beh u na ka seiñ da slem tangwa neidaw wa ym em chah beh u, katni da ong u wa toh oo u Hero neidaw wa jhan u wow yakhun noh ya ka Election.” da ong u Dr Mukul.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hei yatoh won wa u Dr. DD Lapang, u Mukul da ong u wa u wa toh uwi na kiwa yahkhmat wa khroo ka jylla hadooh katni weiwa ka Ri-bhoi Distrist daw lehkmen ko yei dap 25 snem kattu heiwa u Dr. DD Lapang da kreh u chiboon ki kaam neibynta yong ka.