Ieh kiwa beiñ dang beiñ ki katwa i won u kreh i ya ki kaam wa toh u leh i: Wailadmiki

U MLA ka Jowai uwa man leh u State Youth President ka NPYF, hadien wa dep thap pyrtuid ki kyrtong ka Party, da ong u wa na ki 29 tylli ki Constituency ha JHADC, ka Party da pynyakhun ko na ki 28 tylli wei kawi kawa ym em u pynyakhun toh ka 23-Rymbai Khliehriat Constituency.

Da ong u wa lada pait bha ha waroh ki 28 Constituency ka yaleh hi man bait ko pyrchah wa ka NPP lada ka UDP næ ka VPP wei ha waroh ki man ki hapyrdi i yaleh.

Heiyatoh wa i em ka Party thymme kawa kreh cha cha thaaiñ palatsor, u Wailadmiki da ong u chaniah u ha ki kaam wa da leh ka NPP neibhah wa nadooh wa sdang ya ka sorkar ym em pynlut por wow jubab yeiwa pynbaad kiwi deiwa ong wa nadooh u Montri Rangbah, ki Symbood Montri Rangbah kam u Sniawbhalang Dhar uwa pait ya ka Ri-loom Jaiñtia, ki kaam yong ki klam ki.

Da ong u wa ki kaam ka sorkar (NPP) katni klam ki lada kyruiñ cha ka Jowai heiwa ka Iawmusiang kawa da klam ha man ki Election, wei katkam wa man katni i kreh da lai i chaaid chaaid wei yooluti u wow pyndep ya ka hapoh chi snem tam.

Related posts

Sñiawskem u Warmanship Shadap yei pynkhreh yow yoh yei jop

February 1, 2025

Wa em hi i thrang nadooh mynsien tæ yieñ yaleh Election: Remdorkupar Lyngdoh

February 1, 2025

Chooh chooh da kdaw u wa ha ki sngi wa dadep, ka Coal Ministry da pdiang ko ya le tylli ki Mining Plan wei kattu sah wow sdang donhi u tih mooyong wei heitæ u sdang biang u ku i yoh bhah poisa ka Council deiwa pynrap, “Ieh ki lok kiwa beiñ dang beiñ ki katwa i won u kreh i ya ki kaam wa toh u leh i”.

Heiyatoh won wow pynkupbor chooh chooh ya ki District Council hapoh ka jylla, u Wailadmiki da ong u wa ka sorkar hi thmu ko wow pynkupbor chooh ya ki District Council.

Da pynkynmoo u wa heipor ka Executive Committee ka JHADC chimkti ko ha u 2019, ka Muna Tangka ka Council man ko kawa duna hadien neitæ wan ka kjut khlam COVID ar snem wei ha ki ar snem ym em de u yoh dan ka Council kamwa jooh toh u yoh wei hanla kattæ ka sorkar jylla ym em u dam ko u kyrchaan ya ka Council.

Da sñiawkmen u leh wa ka EC wa katni hapoh i yahkhmat ka NPP, da rai dap chynrang ki wa kat wym pu dap ka Muna Tangka ka Council ym thung kreh thymme wei nachwa ki MDC da thung kreh ki da ki hajar ngut deiwa e yaroh biang ya ka EC wa katni wa da chim da ka Resolution hajrong wow dam noh u thung kreh thymme.