Hadien wa da hær ka khubor kattu la kamwa chi bnai haroh wa u MDC ka Voice of the People Party na Mawkyrwat, u Pynkhrawboklin Kharjahrin u hiar chuki u kam u Executive Member ka Khasi Hills Autonomous District Council, ynne ka sngi kani ka khubor da pyntikna syndon hadien wa u Lat ka jylla, u CH Vijayashankar da e u yei mynjur wow pdiang ya ini i ieh kaam.
Ya ka chithi ieh kaam u Pynkhrawboklin Kharjahrin ym em yoh u yoo wei ym tip leh yei daw wa da ieh u yei kaam. Chwa ini da em i murieh ya kani ka khubor hanla da em wa tip ka tangwa ym em wa bien u khana iyi iyi.
Katkam i pynbna ynne ka sngi da ka chnat District Council Affairs (DCA) ka sorkar jylla lyngba u Commissioner & Secretary, da ong wa u Lat ka jylla da pdiang noh u yei ieh kaam u Pynkhrawboklin Kharjahrin kam u EM ka Khasi Hills Autonomous District Council katkam ka Rule 21 (1) (b) ka Assam and Meghalaya Autonomous Districts (Constitution of District Council) Rules 1951.
Discussion about this post