U sarok MRL25-Semmasi-Lakasein Road uwa em hapoh ka PMGSY-III, 2024-25, kattæ toh uwa dang pynchna yow siang ya ka Cement Treated Base (CTB) wei da emkaam u khang yei lai ki kari wa khia yow skem iwa da siang.
U Executive Engineer, PWD (R), Khliehriat Division da pyntip u wa emkaam chi bnai yow skem iwa da siang khlem da pynthut ki.
Kamtæ neiliang u District Magistrate ka East Jaiñtia Hills District da pynkrehkaam u da ka Section 163 ka BNSS yow khang ya waroh ki kari wa khia wa kynthup nadooh ki Truck, ki Tipper, ki Trailer wa kiwi de kiwa kit mar deiwa khia wow lai ki na uni u sarok neibynta chi bnai.
Heiyatoh wa ki kari khian, daw pynbait yei rukom lai da u SP ka East Jaiñtia Hills District deiwa ya krehlang wa u Executive Engineer, PWD (R), Khliehriat Division.
Kani ka hukum toh kawa da krehkaam chisiendon wei kiwa leh pyrchah daw chah pynchitom ki hapoh ka Section 223 ka BNS wa kiwi de ki kyndon ka aiñ.
Discussion about this post