Iehnoh u Dr. Mukul Sangma ya ka chuki kam u MLA ka Ampati

Shillong: Uwa yahkhmat ya ka liang pyrchah ka yung dorbar chna aiñ ka jylla, u Dr. Mukul Sangma uwa da jop ya ka MLA Election na ki ar tylli ki Constituency, kitæ na Songsak wa na Ampati ynne ka sngi da lai e u ya ka chithi wow pyllait noh ya i man MLA yong oo na Ampati wei wow man noh kam u MLA ka Songsak Constituency.

U Dr. Mukul da e u ya ka chithi ha u Lamphang ka yung dorbar u Dr. Donkupar Roy wei da synraan ya oo da ki MLA ka Party.

U Dr. Mukul da haap u wow ieh ya kawi na kini ki Constituency ya i man MLA hadien wa da jop u waroh ar tylli na Songsak wa na Ampati.

U Dr. Mukul hawa yaklam wa kiwa pathai khubor da ong u wa i rai wow ieh ya ka Ampati toh wa kani ka Constituency wa da jop u kattu la 6 sien wei hawa yaklam wa kiwa yahkhmat ka Party Congress da chim ya kani ka rai.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Da ong u leh wa daw jop biang ka Party na Congress na Ampati neibhah da leh u chiboon ki kaam hapoh ka Constituency ha ki 25 snem wei kiwa kyrchaan yong oo daw chaniah ki ya ka Congress.

Heiyatoh wow yakhun ka khon u ka Miani D Shira na kani ka Constituency, u Dr. Mukul da ong u wa ini chong i ha ka Party weiwa oo daw chong pyrkhat u wa ka Party chwa wow chim ka rai.