Iwi i khonboo wa dang dep kha wot ya iwa da pynbna ki Doctor wa da khlaad ha kawi ka Hospital wa em ha Sichlar, da chem wa dang im i chwa wow chah thang i iwa da pynman ya ki paidbah wow yalang ki yow yakhih pyrchah ya kani ka thaw sumaar wa em ha Malinibil, Silchar.
U pa ini i khonboo, u Ratan Das da ong u wa ka kurim u da pun ko ya ini i khon la ynru bnai wei da yah ya ka cha kani ka thaw sumaar ha ka 3 tarik hadien wa ood chitom ko wei ki Doctor da ong ki wa ye ki wow pynim du kawi donhi wei da hap jied hapyrdi i khonboo waka bei, kamtæ da chah ya ki Doctor wow pooid ki.
Da ong u wa manda dep sumaar da e kti ya i khonboo wa da khlaad ynnin i step wei da lai ki wow pyndep ya ka niam thang.
U pa ini i khonboo da pyntip u wa kani ka Hospital da booh ko ya ini i khonboo hapoh kawi ka synduk wei manda poi ki ha i thaw thang (Silchar Crematorium) manda wai ya kani ka synduk chwa wow pyndep ya ka niam wa khaddooh, ini i khonboo da yaam i wei da pynkit wut-wut ya ini i khonboo cha Hospital.
Neiliang ka yung da ujor FIR ko pyrchah ya kani ka thaw sumaar wa ya ki Doctor.
Ki bor pynlai ka Hospital won da ong ki wa da booh ki yeini i khonboo 8 kynta yow pait ki chwa wow pynbna toh iwa da yap.
Discussion about this post