Kawi ka Truck da chah baam i bynta wa naphrang ko hei diñ iwa da jia ynne ka sngi ha u sarok Umsning Bypass heiwa da ong i daw toh neidaw wa jia i Short Circuit.
Kani ka Truck toh kawa em Number AS-01FC-8674, wa yah da u Farijul Hoque wei toh kawa kit khoo ya ka FCI wei dang mut ko wow lai pynhaap khoo cha ka FCI wa em ha Khliehtyrchi tangwa mar ya poi poi ha itai i bynta u sarok Umsning Bypass da kop diñ ko.
Uni uwa yah da ong u wa ye u man i Short Circuit toh ha ki bynta wa em ka Engine.
Da pyntip u leh wa mar ya jia ini da pyntip cha ki Fire Brigade kiwa dapoi wut-wut cha katai ka thaw yow tympleh yei diñ.
Hanla i diñ da joor bha i, ym em iwon iwon i jia wa sñiawsih lait noh i chah ktah ka kari.
Discussion about this post