Ka Aishwariya Malang kawa chong wa sah ha Khliehiongriang, Jowai kawa jop yei naam Miss Teen Diva 2026 wa da pynman ha ka 19 tarik uni u bnai ha Jaipur, Rajasthan, ynne ka sngi da wan ko cha Jowai ha deilang ka pangsnget namo ka Crown wa da pynkup ya ka.
Ha ini i liwan yung ko cha Jowai da pdiang burom wei e khublei ya ka da kiwa ha-yung ha-sem, ki lok ki jor iwa da sdang nadooh Guwahati Airport, wei chwa u psiah Jowai ko ha yingkieñ Myntdu kamjooh chwa u psiah ko cha ka dong wa sah ko ha Khliehiongriang.
Hawa klam ko cha kiwa thoh khubor hajrong i lai luti ko wow yakhun ya kani ka naam Miss Teen Diva, ong ko wa nadooh wa sdang hi da em bait ko ka thong u rah naam pynsñiaw sarong ya ka jylla wei da kmen sakhiat ko wa da man kam kawa jop.
Hawa e mynsien ya ki khon khynroo khyllood kyntu ko wow chaniah ya idæ, u man chlur wei wow leh kiyi kiyi wa angnood wa kwah.
Chooh chooh khana ko wa hachwa wow pynbna yei pyrtuid kam kawa jop, da kyrbeh ko tangwa napoh won em bait i sñiaw skem wow jop bait neibhah wa da lehbha ko, tangwa hanla kattæ leh artatien haroh ko ya boi ym jop won ko.
Ong ko leh wa lyngba ini i jop daw lai mihkhmat ko ya ka ri India ha ka International Miss Teen Earth 2026.
Discussion about this post